Kreu i qeverisë Edi Rama ka rënë në sy në samitin e Natos që u zhvillua në Bruksel ku morën pjesë shumë nga liderët botëror.

Kur askush nuk e mori seriozisht në Samitin e NATO-s, kryeministri Edi Rama tentoi që të bëhej lajm, duke veshur një palë atlete të bardha. Kjo lloj veshje u kritikua dhe ironizua nga mediat e mëdha ndërkombëtare, duke e cilësuar: “Ka ngatërruar mbledhje…”

Por vetëm kaq nuk mjaftoi, ndaj në disa video të shpërndara shfaqet sërish serivilizmi I dukshëm, ku Rama i qepet nga pas Presidentit Francez Emmanuel Macron, por ky i fundit e injoron, duke mos i hedhur as sytë, ndonëse e kishte jo më parg se dy metra. Gjithashtu kreu qeverisë sonë gjeti mënyrë për tu shfaqur sërish, por doli bosh, kur zgjaste kokën gati në bezdi përballë një celulari që po transmetonte momentet e fundit të ndeshjes Angli-Kroaci. Rama tenton të “ngushëllojë” kryeministren angleze duke bërë një batutë: “Kupa e botës po kthehet në Ballkanin Perëndimor”, por askush nuk qeshi nga shkatë e “kripura” të Ramës.

Nuk është hera e parë që Rama me vetëdije bëhet “klloun” i takimeve të mëdha, duke synuar të “magjepsë” liderët botërorë, që tashmë gjithnjë e më shumë po i largohen, duke mos e marrë seriozisht.