Denoncimi që deputeti i Partisë Socialiste i bëri policisë së inkriminuar të qeverisë së Rilindjes meriton një trajtim serioz së pari nga vetë PS-së dhe së dyti nga mediat. Ky denoncim paralajmëron  një fortunë të madhe brenda Partisë Socialiste dhe tregon një krisje partiake që e trembi Edi Ramën, aq sa u detyrua ta përjashtonte menjëherë deputet e vet, Gjetan Gjetani. Rama është i trembur sepse Gjetani përbën precedentin dhe precedenti në vetvete ka vetinë që të përsëritet. Simptom,at e para i kanë dhënë edhe disa ministra me farë socialiste dhe në thelb tregon atë të vërtetën e madhe të pengmarrjes që Rama i ka bërë Partisë Socialiste, në bashkëpunim me krimin e organizuar.

Mediat e blera, jo vetëm me heshtjen që i bëjnë këtij rasti, por edhe me diversionet që botojnë përmes shkrimeve të dala nga kryeministria, faktojnë përmasat madhore të krimit që ka kapluar vendin. Janë këto media që bëjnë scoop çdo glase shkrimi apo reagimi që bëjnë ata të korruptuarit e ikur nga PD-ja, ndërsa rastin Gjetani që denoncon krimin duke qenë vet në pushtet, e lenë në harresë madje guxojnë të sulmojnë. Të parëve u japin imazh dhe hapësirë mediatike, edhe pse pa pushtet, edhe pse bëjnë karshillek duke konfirmuar se e trajtuan pushtetin e PD-së si tenxhere për të financuar propagandën e Ramës, ndërsa rastit Gjitani, një deputet në pushtet, që ngre gishtin mbi lidhjet e qeverisë së tij me krimin, e dënojnë me shpifje dhe kërcënime.