Italiani Luigi Soreca sot është prezantuar si kreu i delegacionit të BE-së në Tiranë. Ai ka marrë detyrën në mënyrë zyrtare dhe ka zhvilluar takimet e para.

Punën Soreca e ka nisur duke u prezantuar me stafin e përfaqësisë diplomatike të BE-së në Shqipëri.

Njeriu që zëvendësoi Romana Vlahutinin në Tiranë, më shumë se një diplomat duket se është një ekspert i mirëfilltë i çështjeve të sigurisë, të antimafias dhe të antidrogës. Në jetëshkrimin e tij të publikuar në faqen zyrtare të Bashkimit Europian, thuhet:

Ai (Luigi Soreca) dhe ekipi i tij kanë për detyrë implementimin e Axhendës Evropane për Sigurinë, të përcaktimit dhe zhvillimit të aktiviteteve nga praktikat më të mira në legjislacion, luftën kundër terrorizmit, krimit të organizuar, korrupsionit dhe krimeve të tjera të rënda.