Socialistët e Gjirokastrës grinden mes tyre për kuotat e partisë . Gruaja e drejtorit të Autoritetit Rajonal të Rrugëve Gjirokastër, ka denoncuar në Policinë e Gjirokastrës, taksidarin e PS i cili mblidhte kuotat e prapambetura të partisë.

Ngjarja ka ndodhur dje kur Aurel Meci i ngarkuar për të mbledhur kuotat e partisë, u padit nga I.SH. gruaja e Andi Shkurtës i cili është drejtor i Autoritetit Rajonal të Rrugëve.

Debate mes gruas së drejtorit dhe taksidarit socialist, ka ndodhur pasi ky i fundit i kërkonte kuotat e prapambetura të PS që kanë për detyrim ti japin militantët e PS të punësuar në administratën shtetërore në Gjirokastër.

Konflikti ka degjeneruar me sharje dhe ofendime aq sa u denoncua në Policinë e Gjirokastrës. Kuotat e PS në Gjirokastër kanë filluar të shndërrohen në moll sherri edhe mes vetë të besuarve të PS ku hyn edhe drejtori i ARSH Andi Shkurta dhe gruaja e tij, të cilët dalin kundër vendimit të partisë për mbledhjen e taksave mujore që nuk janë të detyrueshme por fakultative.