Kryetarja e LSI-së, Monika Kryemadhi, lajmëroi strukturën e saj në Elbasan se opozita nuk ka më marrëdhënie me parlamentin pasi ky institucion është braktisur nga qeveria.

Kryemadhi: Tashmë marrëdhënia e opozitës me Parlamentin e Edi Ramës nuk ka më asnjë lloj kuptimi. Nuk është opozita ajo që e bojkoton Parlamentin, por është maxhoranca ajo që ka bojkotuar Parlamentin. E ka bojkotuar Parlamentin për sa i përket të gjithë angazhimit të saj në marrëdhënie me qytetarët.

Duke folur për rritjen e simpatizantëve të LSI, Kryemadhi tha se goditja e kësaj partie nga qeveria Rama është e lartë dhe shembull për këtë është ish-kreu i ARRSH-së, Dashamir Xhika, për të cilin kryetarja e LSI-së është e bindur se u godit politikisht.

Kryemadhi: Arrestimi i Dashamir Xhikës është një goditje që bëhet për LSI-në e Elbasanit, duke pasur parasysh që struktura e LSI-së së Elbasanit është një strukturë që i doli jashtë parashikimeve Partisë Socialiste në zgjedhjet e 2017.

Kryemadhi tha se LSI do të bashkëpunojë në Elbasan me PD dhe PDIU që iu bashkë së fundmi opozitës për të zhvilluar një axhendë të përbashkët aksioni opozitar.