Përfaqësuesit e PS-së mungojnë në emisionin ‘Opinion’, Mima: Do kisha preferuar t’i kisha përballë
Tema e mbrëmjes së sotme në emisionin ‘Opinion’ është propozimi i bërë nga Partia Demokratike sa i takon platformës antimafia.
Të ftuar, si përfaqësuesit e opozitës janë deputeti Florion Mima dhe përfaqësuesi ligjor i PD-së, Gazment Bardhi ndërsa pjesa tjetër e panelit përbëhet nga përfaqësues të biznesit.
Mungesën e përfaqësuesve të mazhorancës në studio e evidentoi deputeti Mima ku tha se ‘do preferoja të kisha përballë përfaqësuesit e pozitës’.
Në përgjigje të kësaj që ngriti deputeti i PD-së, reagoi drejtuesi i emisionit Blendi Fevziu i cili tha se ‘ata(i referohet mazhorancës) pretendojnë që e gjitha është populizëm’.
