Polica e Shtetit e shpall kriminelë fëmijët që protestuan dje në Mengël kundër mbylljes së shkollës në këtë fshat. Një ditë pasi dhunoi psikolgjikisht dhe fizikisht nxënësit e kësaj shkolle që dolën në rrugë kundër një vendimi abuziv për ti transferuar ata në një shkollë tjetër kilometra larg banesave, policia reagoi zyrtarisht.
Ajo bën të ditur se ka kallëzuar deputetin Luçiano Boçi me pretendimin se ka shtyrë kalamajtë të bërtasin dhe të ulen në rrugë me akuzën "Shtyrje e të miturve në Krim".
Policia e Shtetit thotë në njoftim se ka marrë në pyetje edhe djalin që doli dje duke qarë para kamerave dhe pretendonte se ishte goditur nga uniformat e policisë. Sipas njoftimit në përfundim rezulton se fëmija nuk ka pretenduar më të njëjtat gjëra, çka hedh dyshime për shantazhim të fëmijës dhe familjarëve të tij.
Shqiptarët panë dje djalin e mitur që foli para kamerave dhe e tha me gojën e vetë që ishte dhunuar nga policia.