Kreu i Grupit të PS-së, Taulant Balla, duket se është i përfshirë në shumë ngjarje, dhe ngjarje jo të vogla, por kriminale.

Nuk ka skandal që emri i Taulant Ballës të mos përmendet si i përfshirë, duke filluar që nga sekuestrimi i miliona eurove në Rinas, e deri tek rasti më i fundit, ai i videos së publikuar mbrëmjen e djeshme nga deputeti Ervin Salianji.

Taulant Balla prej kohësh ishte në qendër të vëmendjes për shkak të bashkëpunimit të ngushtë që ka pasur me bandat e shumta në Elbasan.

Por, ndryshe nga se mund të ndodhte në një vend normal në botë, ku karriera e tij do të kishte marrë fund, Balla vetëm sa është ngjitur më lartë në politikën e së majtës së shqiptare.

Dhe ngjitja e tij nuk ka qenë e rastësishme, e aq më pak për merita të tij si politikan, por ai është aty ku është, pasi bën lidhjen mes Edi Ramës dhe bandave që i shërbejnë atij.

Taulant Balla doli në skenë edhe në rastin e Xhisiela Malokut, ku djali i deputetit të PS-së në Fushë-Krujë e përdhunoi dhe e dhunoi atë.

Ishte oficeri i Policisë, Emiljano Nuhu, i cili denoncoi Ballën se kishte qenë në Komisariat në momentin që i është vënë pistoleta në kokë për të mos vazhduar me tej hetimet.

Ishte ngjarja kriminale në Fushë-Krujë, ishte edhe Taulant Balla.

Por, mbrëmjen e djeshme doli video ku dëshmitari i prokurorisë, aktori i sajuar nga Edi Rama, u kap mat duke u shprehur se Taulant Balli i kishte ofruar shuma të majme parash për të dëshmuar se audio-përgjimi me vëllain e ministrit të Brendshëm ishte sajesë.

Edhe këtu doli Taulant Balla.

Taulant Balla lidhet edhe me ngjarjen e ndodhur të enjten e kaluar në ish-bllok, ku një person mbeti i vrarë dhe dy të tjerë të plagosur.

Bëhet fjalë për përplasjen mes të “njohurve” në Tiranë, Ervis Martinajt dhe Ervin Matës, për të cilët ka dyshime të forta se janë pjesë shumë e rëndësishme botës së nëndheshme që lëvizin fije e çdo gjëje.

Përplasja mes tyre ndodhi në një nga lokalet, ku Taulant Balla është klienti më i rregullt, madje njihet edhe miqësia e tij me pronarin e lokalit.

Taulant Balla, nuk është kreu i Grupit të deputetëve të PS-së, por është drejtori i marrëdhënieve me krimin në qeverinë e Edi Ramës.

/55News.al/