Kreu i Partisë Demokratike, Lulizm Basha, ka reaguar përmes një postimi në ‘facebook’, për masakrën e ndodhur ditën e sotme në Mat ku mbetën të vdekur 3 persona.

Basha shkruan se kjo ishte një vrasje barbare dhe se uron që zoti t’i lehtësojë dhimbjen familjarëve të viktimave, si dhe i uron shërim të shpejt të plagosurit.

Më tej kreu i opozitës shkruan se kjo masakër provon edhe njëherë se shteti ka degraduar i tëri.

Postimi i plotë:

Një ngjarje e tmerrshme ka goditur sot Matin dhe ka trazuar shpirtin e çdo shqiptari. Tre punonjës të bashkisë që po punonin për ndërtimin e një rruge janë vrarë barbarisht me bukë në gojë në fshatin Shëlli.

Në këto momente të vështira jam pranë familjeve të Mentor Hoxhës, Hamit Buçit dhe Erzen Alijës dhe lus Zotin që tua lehtësoj sado pak dhimbjen

Po ashtu i uroj shërim të shpejtë të plagosurit Astrit Hani.

Ngjarja e sotme është një tjetër dëshmi e përgjakshme e degradimit total të shtetit, e pasigurisë që mbretëron ngado dhe e guximit të banditëve të veshur me pushtet për të kryer një masakër të tillë.