Kreu i grupi parlamentar të Lëvizjes Socialiste për Integrim, Petrit Vasili, në një deklaratë për mediat tha se kryeministri Edi Rama është duke mashtruar për ekspertizën e audio-përgjimit të publikuar nga PD-ja për çështjen ‘Babalja’ ku implikohet vëllai i Xhafajt në pazare droge.

Nga selia e LSI-së, Vasili tha se prokuroria ka pranuar që ekspertiza ka paqartësi.

“Shqiptarët duhet ta marrin vesh se kryeprokurorja e konsideron kryeministrin si palë private, lidhur me ekspertizën për audio-përgjimin. Rama me provat nga privati, por që nuk i dorëzon. Nga një privat që ka bërë një analizë private. Prokuroria thotë se kryeministri ka çuar provën, por që është e paqartë për provën. Prokuroria ka nxjerrë një akt të paligjshëm ”, tha Vasili.