Që në momentin kur Rama e prezantoi si zëvendëskryeministre, në qarqet politike dhe mediatike u përfol se Senida Mesi do të jetë kandidatura e Partisë Socialiste për bashkinë e Shkodrës. Dhe pikërisht ky post do të shërbente edhe për promovimin e saj. Duket se, e nxitur ndoshta edhe nga këto lajme, Mesin e ka kapur euforia, aq sa, ta cilësojnë Shkodrën si një zonë ku ka më shumë të majtë sesa të djathtë, edhe pse në këto 27 vite PS nuk ka dal asnjëherë forcë e parë në Shkodër.

“Shkodra ka më shumë të majtë se të djathtë”, është shprehur zëvendëskryeministrja sot në një intervistë për gazetën ‘Dita’.

“Votojnë mesatarisht më pak se gjysma e votuesve; duhet të bindim të majtët që të shkojnë për të votuar të majtët. Me pak punë, edhe të djathtët. Shkodra nuk është një qytet i lehtë dhe jo vetëm për të majtët”, thotë gjithashtu Mesi.