Kreu i opozitës Lulzim Basha, deklaroi mbrëmjen e sotme se në 6 vite kryeministri Edi Rama nuk mundi tu japë shqiptarëve një ministër të Brendshëm që të mos ketë lidhje kriminale.
Këtë deklaratë Basha e bëri gjatë emisionit 360 gradë. Sipas tij largimi i Tahirit dhe Xhafajt ishte një fitore e opozitës.
‘Në 6 vite të qeverisjes së tij Rama nuk mundi tu paraqesë shqiptarëve në postimin e ministrit të Brendshëm një figurë të palidhur me krimin. Ajo që dua të them sot se emërimi i Sandër Lleshit përfaqëson shkallën më të plotë për kapjen e ministrisë së Brendshme, për të manipuluar dosjet e Ballës, dakos dhe të vetës së tij’, deklaroi Basha.
