Deputeti i Lëvizjes Socialiste për Integrim, Endrit Brahimllari ishte pjesë e protestës së sotme të banorëve të Unazës së Re.
Ai ftoi të gjithë shqiptarët të bashkohen që t’i japin fund kësaj qeveria hajdute, kriminele dhe të korruptuar.
‘Ju jeni dështimtarë se si Rama tha nuk kam para të dëmshpërblej banorët e Unazës së Re, sepse këto para do ti çoj për kopshte , shkolla dhe çerdhe. Por çfarë u vërtetua, që ato para shkonin në xhepat e Edi Ramës, Gjiknurit dhe Qendros. U vërtetua vjedhje e hapur që Rama po bënte në Unazën e Re. Të bashkohemi të gjithë bashkë si kjo protestë, sepse duke qenë të bashkuar do ta largojmë Ramën dhe këtë qeveri.
Sot nuk është çështja të largojmë një qeveri e të sjellim një tjetër, sot është çështja të largojmë filozofinë e vjedhjes dhe korrupsionit’, u shpreh Brahimlari.
