Personi që shikoni në foto me arkën e birrave në dorë është Presidenti i Serbisë Aleksandër Vuçiç. Dikur kamarier e shërbëtor i Sheshelit dhe Milosheviçit, sot Vuçiç ëshët bërë ortak dhe mik i kryeministrit tonë Edi Rama. Rama i ka thënë edhe publikisht se e ka mik Vuçiçin, pavarësisht se ai po çon në vend premtimin që u ka dhënë kriminelëve të luftës si Millosheviçi, për ta aneksuar Kosovën në Serbi.
Fryrësi më i madh i qymyrit të ndezur, atij të ndryshimit të kufijve dhe coptimit të Kosovës, po tregohet Rama. Aq shumë arriti deri në këtë pikë sa tentoi të bëjë për Ministër të Jashtëm njeriun vegël të Serbisë.
Por kjo nuk përbën problem për kryeministrin tonë Edi Rama. Ai del në media dhe e thotë me kënaqësinë më të madhe se e ka mik Vuçiçin. Madje ofendon dhe i quan gomarë ata që kundërshtojnë idenë e tij për ndarjen e Kosovës. Por, Aleksandër Vuçiç që është aktualisht President i Serbisë, në Kuvendin e Serbisë gjatë viteve ’90, ka thënë që:- ‘Për secilin serb të vrarë në Bosnje, ne do të vrasim 100 mysliman’. Një kriminel i tillë nuk mendoj që duhet të jetë një mik i një Kryeministri shqiptar./ Redaksionale