Banorët nuk janë ndalur as sot, ndërsa protestojnë prej më shumë se dy muajsh kundër prishjes së shtëpive dhe bizneseve të tyre, të cilat preken nga projekti i Unazës së Madhe.
Ata shprehen se masa e sigurisë “arrest në burg” për administratorin e kompanisë “DH Albania” Avdjol Dobi, nuk mjafton, pasi sipas tyre, “përgjegjësi i vetëm i skandalit me projektin e Unazës së Re, është Edi Rama. Sot, ai, Damian Gjiknuri dhe Afrim Qendro, duhet të ishte në burg”.
Me thirrjet “Edi Rama ka mbaru…, ka mbaru…, ka mbaru. Qeveria është rrëzu…, është rrëzu…, është rrëzu. Qeveri e krimit…, qeveri e krimit…, qeveri e krimit”, ata kanë bllokuar sërish qarkullimin e automjeteve.
Në përkrahje të tyre kanë shkuar edhe deputetët e opozitës, ndër të cilët, Klevis Balliu i PD. Ai u shpreh se tashmë protestat nuk do të ndalen deri në rrëzimin e Edi Ramës.
