Nis përgatitja e listës së zezë për zyrtarët dhe funksionarët publikë, në sektorin privat dhe OJF-të, që kanë dëmtuar interesat e publikut, cënuar interesat kombëtarë apo kanë cënuar interesat private të shtetasve, duke favorizuar zbatimin e axhendës Soros në periudhën 2013-2019.

Njoftimi është bërë nga koalicioni Qytetar Për Shqipërinë, sipas të cilit kjo agjendë ka rrënuar, falimentuar dhe po shpopullon Shqipërinë.

Ekspertët e Koalicionit Qytetar “PËR SHQIPËRINË” përllogarisin se vlera e dëmit që i kanë shkaktuar shtetit dhe interesit privat nga viti 2013 e përllogaritur si dëm financiar dhe material është mbi 5 miliardë euro.

Ekspertët kanë besim se kompensimi i pretenduar në fund të proçeseve ligjore mund t’i sigurojë buxhetit të Shtetit dhe kthimit në buxhetin personal të shtetasve një detyrim në para dhe natyrë kompensimi prej mbi 2 miliardë euro.

“Brejtësit e ushqyer nga Banda Sorosiane në pushtet, bashkë dhe veç e veç, duhet jo vetëm të ndëshkohen për krimin kundër Shqipërisë dhe shqiptarëve, por edhe të mos e gëzojnë privatisht shpërblimin që morën nga kontributi në realizimin e Axhendës Soros për Rrënimin, Falimentimin dhe Shpopullimin e Shqipërisë”, thuhet në një njoftim të koalicionit.

Në vijim theksohet përgatitja e kallzimit penal për helmimin masiv të popullsisë me armë kimike serbe nga Policia e Shtetit, sikundër edhe ndaj AKEP për ndërprerjen e shërbimit telefonik në një pjesë të Tiranës përgjatë orëve të protestës së dt. së 21 Shkurtit, si një akt i rëndë antikushtetues i shkeljes së lirisë së shprehjes dhe komunikimit,

Po kështu njoftohet përgatitja e kallzimit penal për dhënien e çertifikatës së sigurisë për njeriun e Soros, Gentian Cakën, aktualisht ministër i komanduar i Jashtëm, në kundërshtim me legjislacionin shqiptar, duke cënuar rëndë interesat e sigurisë kombëtare.

“Lista e zezë e “brejtësve” do të përgatitet me ndihmën e denoncimit dixhital të publikut dhe do të shërbejë në Fushatën Elektorale të Zgjedhjeve të Parakohshme si:

– pjesë e argumentimit të dëmit konkret që i sjell interesit publik, privat dhe kombëtar banda sorosiane në pushtet që ka kapur shtetin, drejtësinë, politikën, median dhe shoqërinë civile,

– motivim i qartë i elektoratit se pse duhet të votojnë listën qytetare të Koalicionit Qytetar “PËR SHQIPËRINË”, thuhet në deklaratë.

Hungaria është një nga vendet që ka aplikuar zbatimin e një ligji lidhur me financimet e Soros ndaj Organizatave Joqeveritare.

Gjithashtu në Hungari, qeveria e Kryeministrit konservator Viktor Orban, ka ndërmarrë një sërë masash, duke detyruar fondacionin SOROS t’i japë fund veprimtarisë së vetë në këtë vend, anëtar të BE.

Kryeministri Viktor Orban ka folur në mënyrë të përsëritur kundër axhendave të dëmshme të fondacionit Soros dhe OJQ-ve të tjera, duke akuzuar miliarderin për ndërhyrje në punët e brendshme të Hungarisë duke financuar grupet e opozitës.

Në shkurt të 2018, Fidesz paraqiti një ligj në parlament, i quajtur ‘Stop Soros Act’ – në lidhje me manjatin hungarezo-amerikan, i cili do të frenonte imigracionin dhe do të prekte edhe OJQ-të e financuara nga jashtë.

Ligji thotë se të gjitha OJQ-të që “mbështesin emigracionin e paligjshëm” duhet të regjistrohen, ndërsa çdo OJQ që merr para nga jashtë duhet të paguajë një taksë prej 25%. /BN/