Duke marrë shkasë nga vendimi për gazetaren britanike Alice Elizabeth Taylor, gazetari Basir Çollaku i ftuar në "360 Gradë" në Ora News, u shpreh se Rama po e përdor si alibi ndaj partnerëve evropianë.
Pjesë nga biseda:
Çollaku: Kjo përralla e Ramës me një 007 britanike si agjende ruse në Tiranë, mendoj se është një shpikje e tij në atë se çfarë po bën shtypi evropian me qeverinë shqiptare dhe kërkon të fitojë vëmendje edhe të britanikëve, edhe të BE-së edhe të amerikanëve. Duhet të sajojë një alibi të njeriut antirus në Ballkan dhe pro perëndimor. Sot unë ndoqa një reagim të ambasadorit rus në Tiranë dhe theksonte që aleatët tanë janë Partia Socialiste dhe Edi Rama. Lidhjen më të drejtpërdrejtë ka Edi Rama. Nëse duam të shkojmë më tej, kemi reportazhe të ZDF-së, të ARD-së, mediat gjermane dhe austriake për sikletin e një qeverie që mbahet nga krimi ndaj do të shpikë një alibi tjetër.
