Gazetari Basir Çollaku është kërcënuar me jetë nëse vazhdon të flaës më për drogën dhe bandat. Gazetari i njohur ka denoncuar ditën e djeshme në polici për kanosjen që është bërë ndaj tij.

Kërcënimi ka të bëjë me një telefonatë të dielën në emisionin e mëngjesit në ReportTV, një nga televizionet e kapura nga Edi Rama.

Ka qenë një telefonues, i cili ka kërcënuar live gazetarin duke thënë që të mos dalë në ekran e të flasë për bandat dhe drogën se e ka pas veshit.

Telefonuesi kanosës thoshte në bisedën e tij drejtpërdrejt në emision që gazetari duhet të mbyllë gojën dhe të bëjë kujdes.

Pas kësaj gazetari ka bërë kallëzim në Policinë e Shtetit.