Në orën 18:00, mijëra qytetarë kanë dalë në rrugë për të protestuar kundër qeverisë “Rama”. Ashtu siç ishte paralajmëruar nga ana e opozitës, qytetarët i janë përgjigjur në mënyrë masive apelit për të shprehur mosbindje civile ndaj qeverisë.
Kreu i Partisë Demokratike, Lulzim Basha ndodhej në Milot, ndërsa kryetarja e LSI, Monika Kryemadhi në Durrës, së bashku me Sekretarin e Përgjithshëm ,Endrit Braimllari, ish-deputetët Nasip Naco dhe Nora Malaj. Gjithashtu ish-deputetët të PD u shpërnadën në zona të ndryshme të vendit.
Në fjalën e tij në Milot, Lulzim Basha deklaroi se më 30 qershor nuk do të ketë zgjedhje. “E di dhe bufi edhe shoku i bufit, Edi Rama se më 30 qershor nuk do të ketë zgjedhje”, deklaroi kreu i PD.
Ndërsa kryetarja e LSI, Monika Kryemadhi u shpreh se qytetarët do të reagojnë gjithnjë e më tepër kundër qeverisë “Rama”, deri në largimin e kryeministrit.
Protesta e opozita ka zgjatur për rreth 60 minuta. Gjatë tubimeve në zona të ndryshme ka pasur tensione me disa nga drejtuesit e mjeteve, por incidentet janë janë shmangur nga drejtuesit e opozitës dhe ish-deputetët.
