Presidenti i vendit, Ilir Meta i pranishëm në homazhet e zhvilluara sot te varrezët “Dëshmorët e Kombit” ku nderoi nga afër dëshmorët që dhanë jetën për lirinë e vendit, i përcolli edhe një mesazh politikës shqiptare.

Meta kërkoi reflektim përmes dialogut politik, si e vetmja rrugë që të çon drejt së ardhmes.

“Sot është një ditë e veçantë për të gjithë popullin shqiptar. Është dita e Qemal Stafës dhe të rinjve dhe të rejave që bënë sakraficat më sublime për ta vendosur Shqipërinë në anën e duhur, aty ku është edhe sot. Sot është një ditë reflektimi për të vendosur në plan të parë të ardhmen e vendit përmes dialogut në mëyrë që të nderojmë si duhet kujtimin e atyre që kanë bërë sakrificat e atyre që kanë dhënë jetën për lirinë”, u shpreh presidenti Ilir Meta.