Disa dhjetra banorë të kryeqytetit janë grumbulluar para Drejtorisë së Policisë së Tiranës duke kërkuar largimin lirimin e qytetarëve që janë ndaluar sot, mes të cilëve edhe ish-deputetit Klevis Balliu.

Çlirim Gjata, Sekretar për Çështjet Ligjore në PD, i ka cilësuar arrestimet si të paligjshme.

Gjata tha se Rama ka provokuar sot që në pikë të mëngjesit duke shkuar në një fabrikë mielli, ndërsa banorët që kanë muaj që protestojnë kundër projektit të qeverisë.

“Paligjshmëria qëndron në faktin se ka gjithë ditën që ish-deputeti mbahet gjithë ditën i ndaluar, ndërkohë që nuk jepet asnjë provë.

Oficeri i policisë gjyqësore që ka bërë arrestimin është një nga ata që është kapur në përgjime duke blerë votat në zgjedhjet e parakohshme në 2016 në Dibër”, tha Gjata.