Kastriot Islami, ish-ministër i Jashtëm i Shqipërisë në periudhën 2003-2005, deklaroi në emisionin “I Ftuari” me Endri Xhafon në A2 CNN se “ajo që do të ndodhë nesër në Bruksel është film i parë”.
“Mogherini, Hahn dhe Fleckenstein janë munduar ta mbështesin raportin si sukses, por pastaj mblidhet Këshilli Evropian dhe… Burokracia e Brukselit bën një raport teknik, por shërbimet inteligjente të vendeve të BE-së kanë raporte të plota mbi atë që ndodh në Shqipëri. Fenomeni tjetër i rëndë që ka ndodhur në rastin e Shqipërisë janë negociatat për shkëmbimin e territoreve Kosovë-Serbi. Gjermania dhe jo vetëm e kanë perceptuar si thikë pas shpine ndaj qëndrimit pozitiv ndaj zgjerimit”, deklaroi Islami.
Ish-ministri i Jashtëm shtoi: “Shqipëria merrte nota pozitive në politikën e jashtme, tani ka nisur ta prishë këtë element duke folur për ndryshim kufijsh”.