Kreu i opozitës, Lulzim Basha deklaroi në protestën e 10-të Kombëtare para kryeministrisë, se paratë e pista dhe të korrupsionit që përdori Edi Rama, nuk mundë të nënshtrojnë qytetarët shqiptarë.

Ai tha se populli i bashkuar i tha jo Edi Ramës dhe krimit.

“Regjimi kriminal i Edi Ramës me propagandë e me mashtrime, me mercenarë e para, u mundua të mbjellë mosbesim të ngrejë dyshim për të ndezur frikë në zemrat e shqiptarëve, për ti trembur që mos bëhemi bashkë. Edi Rama na do që të jemi të nënshtruar, sepse kështu na plaçkiti dhe na grabit, sepse kështu ruan pushtetin me paratë që na ka vjedhur, por populli i bashkuar është fundi i autokratëve të korruptuar. Rama ik! Ne bashkë i themi ndal qeverisë më të korruptuar të Europës, ndal politikës së krimit, të vjedhjes, Shqipëria është e njerëzve qeveria është e popullit. E duam Shqipërinë si gjithë Europa”, u shpreh Basha.