Kreu demokrat Lulzim Basha ka qenë në Kukës dhe prej andej ka premtuar se Partia Demokratike do të heqë traun e rrugës së kombit që javën e parë të PD në pushtet. Mirqenja e shqiptarve është prioritet i PD ka thënë Basha pas takimit në Kukës. 

Kreu demokrat Lulzim Basha ka qenë në Kukës dhe prej andej ka premtuar se Partia Demokratike do të heqë traun e rrugës së kombit që javën e parë të PD në pushtet

Mirqenja e shqiptarve është prioritet i PD ka thënë Basha pas takimit në Kukës.

LEXO EDHE:
Vazhdon çudia me mandatin e kryebashkiakes së Durrësit/ Ja ç’ka ndodhur sot
Ja deklarata e plotë e Bashës

Dua t’u shpreh të gjithë kuksianëve mirënjohjen time të jashtëzakonshme në emër të Partisë Demokratike, në emër të opozitës, për refuzimin masiv që i bënë regjimit të Edi Ramës më 30 qershor.

Kukësi, natyrisht, i ka prirë betejës për liri, për demokraci dhe për mundësi të barabarta në ligj për çdo qytetar, me revoltën kundër taksës së rrugës.

Dua të rikonfirmoj vendosmërinë tonë për të hequr traun e Rrugës së Kombit në javën tonë të parë në pushtet. Sikundër u kam kërkuar të gjitha strukturave të Partisë Demokratike të bëhen gati që, së bashku me qytetarët e Kukësit, me gjithë qytetarët shqiptarë ta kthejmë shumicën “Rama ik” të 30 qershorit, në shumicën e një ndryshimi të thellë ekonomik dhe politik për çdo shqiptar, për t’i dhënë fund emigracionit dhe kurbetit që po e tret Kukësin, për t’i kthyer pasuritë e shqiptarëve; rrugët, bregdetin, minierat, pyjet, të gjitha pasuritë e këtij vendi të bekuar nga Zoti, në funksion të mirëqenies dhe punësimit të shqiptarëve.

Punësimi i shqiptarëve, mirëqenia e shqiptarëve, punësimi i kuksianëve, mirëqenia e kukësianëve janë objektivi dhe prioriteti më madhor i Partisë Demokratike dhe i imi personalisht.

Faleminderit!