Sekretari i Përgjithshëm i LSI, Endrit Braimllari nga takimi në Përrenjas ka deklaruar se votimet e 30 qershorit ishin votime moniste dhe se 8% e pjesëmarrjes nuk përfaqëson interesin qytetar.
Sipas Braimllarit qytetarët nuk kishin alternativë tjetër.
“Kandidatët dhe këshillat imagjinarë të Rilindjes bëjnë betime imagjinare nëpër lokale dhe ambjente shkollash. Miranda Rira kryetare bashkie e zgjedhur me 60 % të votave. LSI i ktheu këshillat bashkiakë në parlamente të vërteta vendore. Kryetarët e bashkisë dhe këshillat bashkiakë të LSI në shërbim të qytetarëve, kanë mbrojtur interesin qytetar, Kanë forcuar përfaqësimin dhe demokracinë. Rilindja dhe Edi Rama na çuan 30 vite pas”, shprehet Braimllari mes të tjerash.
