Ishte mesazhi i një qytetari që publikoi ish-kryeminisri Sali Berisha, ku thuhej se kryeministri Edi Rama po pushon në Greqi ai “që ndezi sherrin”.

Ndërsa vetë kreu i qeverisë e mohoi këtë duke shkruar në Twitter: “Lëvizja për pushime është e kufizuar brenda kufijve të Shqipërisë edhe për ministrat. Kështu që kalinihta nga Surreli pedhaqia.”

Por mediat greke kanë vijuar replikën lidhur me pushimet e këtij të fundit duke thënë se Rama nuk duhet të provokojë.

“Në Shqipëri, edhe pushimet e një politikani në Greqi janë një pikë polemike. Skandali i ri erdhi pas raportimeve që Edi Rama dëshironte të bënte pushime në Greqi. Kryeministri Edi Rama ka mohuar disa raporte të mediave greke se ai ishte me pushime sekrete në Greqi.

Ai duhet të respektojë Greqinë, dhe te mos provokojë. Ai ka frikë se mos shefi i madh Erdogan e qorton. Edi Rama duket se harron se mijëra emigrantë shqiptarë jetojnë në Greqi. Harron që dërgesat nga këta njerëz ruajnë ekonominë jo ekzistente në Shqipëri. Ai duhet të respektojë Greqinë dhe të mos provokohet nga errësira e tij e Botës së Tretë”, thuhet në artikull./Gazeta Liberale