Me Sandër Lleshin në krye të ministrisë dhe Arta Markun në krye të prokurorisë, Edi Rama kërkon të përgjojë edhe komunikimet që bëjnë njerëzit në WhatsApp dhe Viber.

Mësohet se në Shqipëri ka mbërritur një aparaturë që përgjon të gjitha komunikimet përmes këtyre dy platformave.

Aparatura moderne ndodhet tek godina e ‘Polit të Drejtësisë’ dhe transkipton tekstet që vijnë përmes WhatsApp dhe Viber, por edhe telefonatat që realizohen përmes këtyre dy platformave.

Një tendër i tillë u bë edhe në kohën e Adriatik Llallës, por pasi u dekonsporua në media, tenderi u anulua.

Por me Lleshin dhe Markun tenderi është bërë në fshehtësi dhe pa u bërë publik.

WhatsApp është kthyer në rrjetin më të përdorur në Shqipëri për komunikimet me mesazhe, por edhe për telefonata. Por tashmë, para se të shkruani, duhet të mendoheni mirë nëse biseda juaj është vërtetë sekrete.