Ish-kryeministri,Sali Berisha, i ftuar në Ora News, është shprehur se nuk ka dritë jeshile nga Brukseli për hapjen e negociatave sa kohë në krye të qeverisë është kryeministri Rama.
Duke iu referuar medias austriake "Kurir", e cila një vit më parë hapej me titullin "Nuk ka dritë për Ramën e kuq", Berisha bëri një "korrigjim" në titull
"Një vit më parë gazetata austriake Kurir u hap me titullin: Nuk ka dritë jeshile për Ramën e Kuq. Tani mbetet në fuqi titulli: Nuk ka dritë jeshile për Edvin mafinë", u shpreh ish kryeministri.
Sipas Berishës, nga 13 kushte të lëna, Shqipëria ka plotësuar vetëm një prej tyre dhe atë pjesërisht.
"Janë 13 kushte dhe vetëm njëri është plotësuar deri diku. Kërkohet rezultat i prekshëm në luftën kundër korrusionit në të gjitha nivelet, zero. Është realizuar vetëm vettingu pjesërisht", shtoi ish-kryeministri Berisha.
