Ish-ambasadorja problematike e BE-së, e cila ishte avokatja më e madhe e qeverisë që kanabizoi Shqipërinë, u pa sot e vetme, e frikësuar dhe e paftilluar duke ecur nën portretet sovjetike që janë vendosur në bulevard nga bashkia e Tiranës.  Rishfaqja e saj në Tiranë, pas kaq kohësh që e ka dorëzuar detyrën, aq më pak e pashoqëruar dhe e vetmuar, zgjon kuriozitetin dhe dhe habinë e qytetarëve të rastësishëm.

Ndaj ish-ambasadores Vllahutin ka pasur mjaft kritika, si gjatë kohës së saj në detyrë ashtu edhe pas ikjes, nga opozita dhe faktorë të tjerë të cilët e kanë akuzuar atë direkt për “fshehje” të realitetit shqiptar, për mos denoncim e ngritje zëri kundër krimit, kanabizimit të vendit dhe keqmenaxhimit të situatës nga qeveria. Akuzat shkojnë për lidhje e bashkëpunim të saj me Ramën e Qeverinë e Rilindjes, pasi në raportin e vitit 2016 që ajo dërgoi pranë institucionit të BE-së, nuk është përmendur asnjëherë droga dhe kanabizimi, shqetësimi real për krimin e organizuar, trafikun e drogën, madje as atëherë kur nisi, as në lulëzimin e plotë e as derisa iku. Për të gjithçka ishte “ok” dhe raportet e përvitshme flisnin për “suksese” imagjinare të Qeverisë e Rilindjes.

Këto raporte dëmtuan vendin Shqipërinë dhe integrimin, pasi jo më larg se para disa ditësh eurodeputetja franceze, Dominique Bilde, e prohoi me gojën e saj se raportet për Shqipërinë nuk kanë qene reale, “është e ditur që megjithëse Komisioni Europian është i prirur të heqë diskursin për përmirësimin e supozuar të situatës në Shqipëri, veçanërisht në raportet vjetore të publikuara nga Komisioni Europian, ku nuk është krejt imazhi që paraqitet”.

E vetmja përgjigje që të vjen në mendje se “çfarë kërkon Vllahutin në Tiranë, në këto ditë vjeshte”, një përgjigje reale si vetë raportet e saj është se zonja ka ardhur të inspektojë se si  po shkon kanabizimi i vendit! /55news.al