Kryedemokati Lulzim Basha u shpreh se partnerët e Shqipërisë e dinë se si vidhen dhe se si blihen votat në vend.

Madje sipas Bashës ata janë në dijeni se si zyrtarët e qeverisë dhe drejtuesit e kupolës së policisë janë përfshirë në trafiqe droge, dhe me paratë e këtij aktiviteti sot bëjnë kokainën e gjithë Evropës. 

“Sot çdo partner në Bruksel, Ëashington, Berlin, Londër e di si blihen votat nga ministrat e kësaj qeverie, nga  krerët e policisë së kësaj qeverie në bashkëpunim me kriminelët. Se si anëtarët e kësaj qeverie u përfshinë në trafiqe, drejtpërdrejt me dhe familjarët e tyre.

Se si e kthyen Shqipërinë në hambar droge dhe me paratë e kanabisit sot bëjnë kokainën e gjithë Evropës sepse kanë vendosur lidhje të drejtpërdrejta me Amerikën Latine. Si i pastrojnë paratë e drogës në ekonominë shqiptare dhe në ekonominë shqiptare aktiviteti kryesor është pastrimi i parave, sepse çdo aktivitet tjetër ka marrë fund”.

Deklaratën e tij Basha e bëri gjatë një bashkëbisedimi me gazetarët në selinë blu.