Nga Hajro Çini

Shqipëria është në rënie të lirë me nxitim të përshpejtuar drejt greminës. Nxitimi rritet eksponencialisht në çdo sekondë që një “rilindje” e shitur okupon (me mjete ilegale) të gjitha pushtetet. Kushtetuta e Shqipërisë është bërë një leckë që disa anonimë, nën diktatin e krimit të organizuar e përdhosin çdo ditë. Kjo “rilindje” e shitur ka mbështetjen e fqinjëve grabitqarë, krimit të organizuar dhe strukturuar ndërkombëtar, shtetit paralel soroist që gati po shkatërronte madhështinë e SHBA-se si dhe të çdo lloj qelbësire që dëmton oksigjenin e atmosferës me frymëmarrjet e tyre.
Por çdo gjë në tokë dhe parajsë i përket Zotit dhe jo djallit, dhe:
“Se Zoti vetë e tha me gojë,
Se kombet shuhen për mbi dhe,
Por Shqipëria do të rrojë,
Për të, për të luftojmë ne;”
Ishte e paimagjinueshme, që një etni që në historinë e saj ka nxjerrë burra të shquar qe nga Pirro e deri te Skenderbeu, që me gjeninë e tyre, me aftësi, trimëri, kurajo i kanë dhënë dërmën regresit botëror, të përshkelej nga disa degjenerata të pavlera, të padinjitet, shqipfolës apo të huaj, për kaq gjatë dhe në mënyrë kaq barbare.
Presidenti Meta, me qetësi dhe shqiptari, po i tregon të gjithë botës, në mënyrë shteruese, të mënçur dhe të vendosur, se Shqipëria është vënd trimash. Ai ashtu si dhe dy Presidentë të tjerë të shquar Dr. Sali Berisha dhe Bujar Nishani, e kanë vënë dorën mbi Kushtetutë dhe janë betuar sinqerisht dhe burrërisht se do ta mbrojnë atë me çdo çmim.
Që Presidenti Meta ta mbrojë Kushtetutën me nder dhe dinjitet, shqiptarët duhet të jenë të gatshëm të marrin faten e kombit të tyre në duart e veta. Paraardhësit tanë janë shquar në rritjen e madhështisë së perandorive më të mëdha të kohëve, dhe se ajo madhështi nuk do të ishte aq brilante pa aktivitetin e tyre, qe nga perandoria romake e deri te ajo osmane. Sot ka ardhur koha që të nxitojmë e ti nxjerrim në pah vlerat tona dhe të rrisim madhështinë e kombit tonë.