Kryeministri Edi Rama e përdori mbledhjen e qeverisë për çështjen e tërmetit tragjik të 26 nëntorit për të bërë edhe politikë.

Edhe pse ditë zie, Rama bëri të qartë se nga e hëna ata do të miratojnë ligjin special KÇK.

Pastaj ai vazhdoi duke bërë politikë kur tha se do të bëjnë një kapërcim historik në mënyrën se si trajtohet plagët në vend.

Në fund sulmoi kritikët ndaj tij, duke thënë se këtë të keqe, në rastin konkret tërmetin, e kanë ndjellë ata.

“Kur dielli të dalë dhe politika rikthehet me gjithë gam-gamin e saj, ne të vazhdojmë të merremi me plagët.

Nuk i shkon as kësaj tryeze dhe as formimit dhe besimeve tona që të flasim për supersticione, por unë do të doja të thosha që, kjo nuk është fakt, nuk është as ndjesi, por është nevojë për ta thënë që ka shumë gam-gam në këtë vend, që sikur ndjell të keqen.

Ka shumë gam-gam dhe gamgamistët na kanë përfshirë të gjithëve në gam-gam dhe kanë gamgamosur shpirtin e njerëzve të zakonshëm, duke i kthyer në skllevër të gamgamit,” tha Rama.