Fjala e sotme e presidentit të Republikës z. Ilir Meta, sigurisht që ishte një kambanë alarmi, por që nuk është e para. Në pozicionin e kreut të shtetit, Ilir Meta i ra fuqishëm kësaj kambane alarmi, duke trokitur jo vetëm në ndërgjegjen e gazetarëve dhe komunitetit të tyre, por në ndërgjegjen e kombit. Është shumë e rëndësishme në kohëra të tilla të errëta ku Shqipërinë e ka marrë në dorë një sekt i rrezikshëm, që liderë dhe shtetarë t’i dalin për zot problemeve dhe halleve të vendit. Këto kohëra të zeza që po kalon Shqipëria jo vetëm që po e zhytin në humnerë por ka mbetur vetëm të kthejë pushkatimet pa gjyq, se burgosjet pa gjyq real i kanë kthyer.

Kreu i shtetit jo vetëm që preku thelbin me të cilën sekti i rrezikshëm i Rilindjes me një ligj antidemokratik dhje diktatorial kërkon të mbylli çdo gojë dhe të izolojë çdo mendim, por ai në çështjen e medias vuri gishtin në plagë. Në mënyrën më absolute presidenti kishte të drejtë kur përshkruan kushtet e punës dhe vështirësi e profesionit të gazetarit dhe ndërkohë thekson se shumë media kanë hequr postin e kryeredaktorit, sepse pronarët e kryejnë vetë këtë punë. Fjalimi i sotëm i presidentit, kjo kambanë e fortë që ra sigurisht nuk ka veshë për të në qeveri, por uroj të zgjodhët ndërgjegjja e kombit.