Para një muaji, kryeministri i Maqedonisë së Veriut, Zoran Zaev deklaroi se ideja për të krijuar Mini-Shengenin lindi duke pirë një gotë verë në Nju Jork së bashku me Edi Ramën dhe Aleksandar Vuçiç.
Kryeministri Edi Rama është mbrojtur duke thënë se pas kësaj nisme qendron Bashkimi Europian dhe Shtetet e Bashkuara të Amerikës.
Por një dokument i publikuar nga gazeta Express, thekson se “Edi Rama po manipulon” në mënyrë që të ‘qërojë hesapat me Kosovën dhe përfaqësuesit e saj’.
Dokumenti tërheq vërejtjen për rreziqet që i kanosen Kosovës në aspektin politik. Aty thuhet se Mini-Shengeni i jep Serbisë mundësi që të dëshmojë veten si faktor konstruktiv në rajon pa përmbushur asnjë detyrim karshi Kosovës. Sugjerohet madje që Kosova t’i kundërvihet kësaj iniciative në bashkëpunim me Shqipërinë dhe Malin e Zi për shkak se Podgorica ka refuzuar ose ka rezerva ndaj projektit. Por, siç shihet, Edi Rama ka zgjedhur tjetër rrugë duke sulmuar Kosovën dhe duke bashkëpunuar me Vuçiçin.
“Nëse Kosova nuk reagon me kohë, ka rrezik që njohja reciproke, si produkt final i marrëveshjes Kosovë- Serbi, të zëvendësohet me qasje të barabartë në platforma të tilla. Kjo do t’i mundësonte Serbisë që të avancojë në axhendën europiane pa e njohur Kosovën”, thekson dokumenti. Aty po ashtu tërhiqet edhe vërejtja edhe për kostot ekonomike në dëm të Kosovës.
Nisma për Mini-Shengenin i ka çuar kuotat politike të Edi Ramës në Kosovë në nivelin më të ulët që ka pasur ndonjë lider politik.
