Ministri i Diasporës, Pandeli Majko, me rastin e Krishtlindjes ka uruar shqiptarët përmes një mesazhi në rrjetet sociale. “Gëzuar festat miq! Shqiptaria është histori, tokë dhe njerëz… Do tja dalim sic thotë hymni ynë “se zoti vetë e tha me gojë” Shqipëri!…

Mospëlqimi i frikacakëve është lavdia e trimave Kosova ime! Gëzuar vëllezër e motra kudo ku jeni!” shkruan Majko.

Por postimi i Majkos është pasuar nga disa dhjetra komente, kryesisht të qytetarëve nga Kosova.

 “Kemi pritur që të jeni i pari që do i kundërvihet kësaj mizorie ndaj Kosovës,” shkruan një prej komentuese.

“Nuk duam urime, pse u zgjuat nga heshtja e pritët festën sa për të uruar sikurse nuk ka ndodhur asgjë,” thuhet në një tjetër koment.

“Nuk mbrohet Kosova me një status në FB”, është reagimi i rradhës, ndërsa një tjetër komentues shkruan “e shitët Kosovën për pushtet zoti Majko”.