Hidhini një sy portaleve pas vizitave të kryeministrit Edi Rama në zonat e prekura nga tërmeti dhe do befasoheni.

Nuk ka rëndësi nëse janë portale pranë apo larg qeverisë, të gjitha raportojnë për një gjë: batutat që shkëmben Edi Rama me të prekurit nga tërmeti, por edhe poshtërimet që i bën kryesisht Erion Veliajt dhe zyrtarëve të tjerë.

Një muaj pas tërmetit të rëndë, qindra familje vazhdojnë të vuajnë sidomos në këto ditë të ftohta. Ndërkohë mijëra të tjera janë akoma të paqarta për të ardhmen e banesave të tyre.

Por përveç dështimit të shtetit, tashmë shqiptarët po durojnë edhe gallatën e kryeministrit, siç e tregon edhe kjo karikaturë e mjeshtrit Bujar Kapexhiu në gazetën Mapo.