Shtetasit turk Harun Çelik, nuk ishte thjeshtë një kalues i parregullt kufiri siç pretendon qeveria shqipëtare, por një aktivist i lëvizjes Gylen i këkkuar për tu ekstraduar nga autoritetet turke. Pikërisht këtë version mbron avokati i tij shqiptar, Alban Bengasi i cili flet për një shkresë që ambasada turke i kishte dërguar autoriteteve shqiptare në lidhje me një hetim që kishte nisur ndaj në tij në Turqi. “Ambasada turke kishte nisur një shkresë për autoritetet shqiptare ku viheshin në dijeni se Harun Çelik ishte nën hetim në Turqi. Klienti im ishte vënë në dijeni të kësaj shkrese ndaj kërkoi azil politik pasi ndihej i kërcënuar. Është dhe një rast tjetër i ngjashëm me Çelik dhe me datë 13 vendoset për të‘, katregon avokati për Fax Nevs.

“Ndaj klientit tim nuk ka patur asnjë akt dëbimi dhe deportimi erdhi menjëherë pas vendimit të gjykatës për lirim për akuzën ‘Falsifikim të dokumenteve’. Ai ka qëndruar 5 muaj në paraburgim për këtë akuzë ndërsa është marrë direkt nga policia brenda ambienteve të burgut 302 dhe është nisur drejt aeroportit“, tha Bengasi.

Por, shteti shqiptar nuk e morri parasysh kërkesën e tij për azil, madje e dërgoi atë drejt e në një vend ku të drejtat e burgosurve nuk respektohen duke shkelur madje edhe konventat ndërkombëtare që ka nënshkruar vetë.