Një zjarr i madh përfshiu Spitalin e Durrësit në orët e para të së shtunës. Pamjet që vijnë nga momenti i zjarrit janë të dhimbshme.

Pacientë që largohen me shpejtësi, mes tyre edhe fëmijë, për të shpëtuar jetën. Për momentin dyshohet se zjarri është shkaktuar për shkak të një shkëndije prej ngarkesës në rrjet nga ngrohëset.

Ditët e ftohta të janarit kanë bërë që njerëzit të sjellin vetë mjetet e ngrohjes në spital.

“Spitali i Durrësit u dogj sepse pacientët ngrohen me ngrohësa të marrë nga shtëpitë e tyre, ngaqë spitali nuk ndez kaldajën për ngrohje gjatë gjithë ditës!! Ky është rezultati i reformës në shëndetësi: miliarda lekë për PPP e shëndetësisë, dhe spitale që nuk ndezin kaldajat në mes të acarit sepse nuk kanë fonde, sepse me fondet për ngrohjen do paguhen PPP-të, duke vënë jetët e pacientëve në rrezik serioz nga zjarri, me dëme miliarda lekëshe në strukturen e spitalit të saporikonstruktuar. E gëzofshim reformën shëndetësore!!” shkruan në FB nënkryetari i PD në Durrës, Ardian Muka.