Tregu Elektrik është 'viktima' e rradhës e bashkisë së Tiranës. Tregtarët, që punojnë aty prej vitesh, kanë protestuar sot lidhur me projektin e ri të bashkisë dhe urdhëresën e kësaj të fundit për të liruar hapësirën brenda 24 orëve.
Një prej tregtarëve ka denoncuar në Facebook-un e ish-kryeministrit Sali Berisha projektin e bashkisë dhe faktin që pavarësisht pagesave të rregullta të taksave për rreth 20 vite, tani duhet të përfundojnë mes katërve rrugëve.
“Kullat po hanë edhe tregun elektrik të Tiranës. Denoncojnë babëzinë e Lal Plehut”, shkruan Berisha në reagimin e tij, ndërsa publikon edhe mesazhin e qytetarit digjital.
Pershendetje Dr. Berisha! Jam nje tregtar i tregut elektrik. Jemi ne nje stres te papare pasi na ka ardhur nje vendim nga IMT ku Bashkia e Tiranes kerkon prishjen e tregut per realizimin e nje projekti. Jemi 120 persona fizik, tatimpagues te rregullt prej me shume se 20 vitesh dhe na hedhin ne rruge sikur te jemi shkeles te ligjit pa na siguruar nje vend tjeter. Cdo behet me punen dhe me buken e famijeve tona. Sot kemi bere takim me nje perfaqesues te Bashkise dhe na tha qe jemi kujtuar vone. Neser duhet te lirojme tregun ndryshe do na heqin me force. O Zot nuk dime cte bejme.
