Propagandë dhe fasadë të qeverisë e ka cilësuar ish-presidenti Bujar Nishani, operacionin “forca e ligjit”.

Në një intervistë për “Syri.net”, Nishani hodhi akuza ndaj qeverisë dhe kryeministrit Rama, ndërsa tha se janë përgjegjës për rivitalizimin e krimit.

Sipas Nishanit, figurat e krimit janë përfitues të të ardhurave publike dhe sipas tij kemi një skenë ku politika është e angazhuar me krimin.

“Janë përpjekje të diskredituara të një propagande sistematike, e cila duke qenë që ka pasur të njëjtën linjë të pandërprerë, në mënyrë të natyrshme jo vetëm që nuk ka më vlerë për të shpëlarë trurin e opinionin publik, do të vazhdojë të krijojë ambientin e përshtatshëm për krimin. Kemi parë vetëm intensifikim të veprimtarisë kriminale, konsolidim të formave dhe metodave të mafies në aktivitetin e tyre kriminal dhe ndërhyrjen në politikë.

Kjo ka të bëjë me, në radhë të parë, me të vetmin dimension që ka kjo qeveri, propagandën boshe, propagandën fasadë. Thelbi i dëmit që ka sjellë kjo, ka bërë që krimi nuk është prekur, por është theksuar. Dëmi që ka marrë vendi në imazh është e madhe.

. Dëmi që ka marrë imazhi i vendit është shumë i rëndë. Kjo qeveri dhe ky kryeministër është përgjegjës për rivializimin e krimit. Duke qenë partner për ardhjen në pushtet ka qenë edhe përfitues prej tij.

“Figurat eminente të krimit janë përfitues të të ardhurave publike. Në porte, energji, minerare etj.

Droga që është i vetmi mekanizëm që prodhon para por nuk prodhon ekonomi qarkullues, në të vërtetë rrezikon ekonominë e shëndoshë.

Kemi një skenë ku politika është e angazhuar me krimin, ka përfituar pushtet dhe krimi është intensifikuar.

Më e rrezikshmja, në afatgjatë, për të luftuar realisht themelin e kriminalitetit, ekonominë kriminale. Ky do të jetë dështim i radhës dhe do ta thellojë akoma më shumë greminën e ekonomisë dhe sigurisë së shqiptarëve“, u shpreh Nishani.