Presidenti i Republikës, Ilir Meta në një intervistë për “Zërin e Amerikës” ka komentuar operacionin Forca e Ligjit.

Presidenti Meta shprehet se lufta ndaj krimit nuk bëhet me fushata, ndërsa theksoi se duhen bërë ndërhyrje të besueshme dhe afatgjata.

“Nuk është një luftë që zhvillohet me fushata, por duke luftuar çdo ditë. I gjithë legjislacioni ka qenë aty dhe institucionet, askush nuk e pengon qeverinë të ngrejë Taskë Forcë.

Por kur bëhen ndërhyrje duhet të jenë të mirë menduara, transparente, të besueshme dhe të mos krijojnë mbivendosje të karakterit ligjor sepse në një plan afatgjatë nuk i shërbejnë sundimit të ligjit”, tha Meta.