Gjosha: Qeveria po minon integrimin e vendit. Po manipulon edhe institucionet europiane

E Enjte, 05 Mars 2020 19:38

Ish ministrja e Integrimit, Klajda Gjosha, përmes një reagimi në Facebook, shprehet se qeveria ka dështuar të plotësojë kushtet e vendosura për të bërë të mundur çeljen e bisedimeve për anëtarësim, ndërsa e akuzon se agjenda e saj po shkon në kundërshtim me atë të qytetarëve shqiptarë.

Sipas ish deputetes së LSI, nëse qeveria do të donte integrimin e vendit në Bashkimin Europian nuk do të shkatërronit drejtësinë nëpërmjet fallcifikimeve, mashtrimeve, përdorimit që i bëhet institucioneve dhe përfaqësuesve të tyre në emër të kapjes së shtetit.

Reagimi i plotë i Klajda Gjoshës:

Loja me integrimin europian të vendit vazhdon ende pa u ndalur, për ata që cdo ditë punojnë për ta minuar këtë proces jetik për të gjithë ne. Habitem kur dëgjoj disa deklarata boshe, konspirative, që kërkojnë të drejtojnë gishtin drejt institucionit të vetëm legjitim në vend, që është Presidenti i Republikës. Frika nga e vërteta që fshihet pas fasadës, frika nga fallcifikimet për të kapur çdo qelizë të drejtësisë, e deryron mazhorancën që me nxitim të manipulojë opinionin publik por edhe institucionet europiane.

 

Fatkeqësisht qeveria ka dështuar të plotësojë kushtet e saj për të bërë të mundur çeljen e bisedimeve për anëtarësim dhe axhenda e saj shkon në kundërshtim me atë të qytetarëve të këtij vendi. Si gjithmonë, faji duhet të varet diku për paaftësinë, mungesën e vizionit, keq qeverisjen dhe shpërdorimin e besimit.

Nuk ka si të ndodhë ndryshe sepse po të donit negociatat për anëtarësim nuk do të shkatërronit drejtësinë nëpërmjet fallcifikimeve, mashtrimeve, përdorimit që i bëhet institucioneve dhe përfaqësuesve të tyre në emër të kapjes së shtetit.

E panvarësisht kushteve të paplotësuara dhe investimit të mazhorancës për të mos i celur negociatat, unë uroj që vendet anëtare të tregohen më strategjikë në vendimin e tyre për Shqipërinë. Uroj që negociatat të çelen për shqiptarët, për t’i rikthyer atyre sado pak shpresë se Shqipëria do të bëhet, duke pasur në krah një partneritet të fortë euro-atlantik!
Por mos harrojmë edhe diçka të fundit...Shqipëria nuk bëhet duke fshehur të vërtetat, duke mos pranuar përgjegjësitë, Shqipëria bëhet vetëm nëse të gjithë bashkë, me një dakordësi kombëtare ndryshojmë këtë realitet të hidhur në të cilën po kalon vendi!

Login to post comments

Lajmet e fundit

‘Ajo që ndodhi të enjten, puç parlamentar’, Vokshi: Vutë grupin parlamentar mbi Gjykatën Kushtetuese

Politikë

‘Ajo që ndodhi të enjten, puç parlamentar’, Vokshi: Vutë grupin parlamentar mbi Gjykatën Kushtetuese

  Deputetja e Partisë Demokratike Albana Vokshi, ka deklaruar se me vendimin e marrë të enjten në Kuvend për mos dërgimin në Gjykatën Kushtetuese të mandatit të Olta Xhaçkës, ka rënë...

Kalaja kallëzon në prokurori Ballën: SPAK t'i sekuestrojë telefonin dhe...

Politikë

Kalaja kallëzon në prokurori Ballën: SPAK t'i sekuestrojë telefonin dhe...

    Anëtarja e Komisionit të Apelimit në PD, Adriana Kalaja ka bërë një kallëzim penal për Taulant Ballën dhe individë të tjerë, të cilët sipas Kalasë kanë kryer shkelje nga më të rëndat...

Aksident në Santorini, humb jetën 29-vjeçari shqiptar

Kronikë

Aksident në Santorini, humb jetën 29-vjeçari shqiptar

  Një aksident rrugor ka ndodhur në ishullin grek të Santorinit, ku viktima është një 29-vjeçar me origjinë shqiptare. Sipas informacioneve të para, ngjarja ka ndodhur kur motori që drejtohej nga 29-vjeçari...