Në një deklaratë të bërë live në faqen e tij në Facebook, Edi Rama ka pranuar sot se do të mbyllen ndërmarrjet e industrisë fasone dhe call centerat.

Siç është bërë e rrugës këto ditë, Rama ka kopjuar sërish propozimet e kreut të opozitës, Lulzim Basha për masat në lidhje me këtë pandemi.

Është pikërisht masa e mbylljes së fasonëve dhe call centerave, që kishte propozuar Basha dhe që sot Rama e ktheu në vendim.

Propozimi i Bashës:

4.  Qeveria vonoi me dy javë vendimmarrjen për të mbyllur aktivitetin në ambiente që ka prezencë shumë të madhe të njerëzve, duke u kthyer në potencial të madh rreziku për përhapjen e virusit.

Qeveria nuk mori asnjë masë për të siguruar që personat e ardhur nga Italia të vetëkarantinoheshin për një periudhë 14 ditore, siç kërkon protokolli i sigurisë për mos përhapjen e virusit.

Në këtë moment që flasim, aktiviteti i bizneseve që kanë prezencë të madhe njerëzish në një ambient të mbyllur, si biznesi fason apo call center, vijojnë punën dhe nuk janë urdhëruar për mbyllje.