Ish-Kryeministri Sali Berisha ka akuzuar sot OSHEE-në se ka marrë urdhër urdhër nga kreu i Qeverisë Edi Rama të zhvatë bizneset në të gjithë vendin me fatura afrofe.

Berisha ka përllogaritur se vlera e këtyre faturave shkon në 150 milion euro, shumë e më shumë se ndihma financiare që pretendoi t’u japë Qeveria për shkak të krizës së krijuar nga pandemia ndaj edhe i ka bërë thirrje biznesit të ngrihen kundër skemës së “rrjepjes”.

“Me faturimin afrofe të urdhëruar nga Edvin Hajduti, OSHEE do t’i vjedhë biznesit 115,000,000 euro, - shkruan Berisha në Fb. – “De facto”, më shumë se sa u jepet ndihmë! Faturimi afrofe nuk ka asnjë lidhje me COVID-19! Por atë e urdhëroi Edvin Hajduti për të siguruar kështu paratë që u takojnë bizneseve nga mbyllja e detyruar. Megavjedhje! Thirrja ime për biznesin: Ngrihuni kundër kësaj skeme të rrjepjes suaj! Lexoni denoncimin e ekspertit dixhital të fushës,” shton ish-kryeministri në vijim.

Përshëndetje zoti Berisha!

Nga të dhënat e sakta të arkëtimeve nga OSHEE për periudhën mars-korrik të vitit 2019 janë 221,726.450 euro.

Konsumatori familiar ka masën 48%. Konsumatori privat, buxhetor dhe jobuxhetor së bashku ka masën në 52%  të këtij arkëtimi për të njëjtën periudhë.
Vendimi i Entit Rregullator të Energjisë për lejimin e faturimit afrofe nuk ka të bëjë fare me problemin e COVID-19, por është çështje financiare.

Po të bëhet një llogaritje e thjeshtë e përqindjes së konsumit të konsumatorëve jofamiliarë, rezuton që mbifaturimi për periudhën e lartpërmendur të jetë në vlerën 115,000,000 euro. Për më në detaje nëse dëshironi të keni një shpjegim ngelem i hapur. Me konsideratë.