Është një ndër zonat më të bukura të kryeqytetit, shumë pranë Parkut Kombëtar të Dajtit, por që kur kryeministri Edi Rama ndërtoi sarajet e tij, Surreli është shndërruar në të preferuarin e njerëzve pranë pushtetit.

Një prej zonave më të gjelbëruara të zonës në fjalë ka nisur betonizimin e saj, siç duket për ti hapur rrugën biznesit të rradhës. 

Denoncimin e bën kryeredaktori i "RD", Blendi Kasmi, përmes një postimi në Facebook

Sipas gazetarit, ku shkel këmba e Ramës nuk mbin bari, por betoni.

"Kjo kodër e gjelbëruar po rrafshohet vetëm 200 metra larg bunkerit të barbarit të Surrelit. Kudo ku shkel këmba e barbarit nuk mbin bari, rrafshohet natyra dhe kthehet në beto", shkruan Kasmi në postimin e tij.

Ndërsa qytetarët janë në karantinë të detyruar nga qeveria, shkatërruesit e bukurive natyrore të këtij vendi janë në punë me kohë të plotë vetëm 200 metra larg vilës kryeministrore dhe askush nuk reagon, as policia ndërtimore që arreston qytetarët kur rregullojnë çatitë dhe as policia e rendit që gjobit qytetarët edhe kur thyejnë karantinën për të blerë cigare.