Erion Veliaj deklaroi se veprimi i Presidenti për të dërguar vendimin e qeverisë e për kalimit të truallit të Teatrit Kombëtar në pronësi të Bashkisë në Gjykatë Kushtetuese është hile, pasi ajo duhet të shkonte në Gjykatën Administrative.

Në emisionin Opinion, ai deklaroi:
“Presidenti bëri një hile me të vetët, pasi ky vendim duhet të dërgohej në në Gjykatën Administrative. Ka vajtur në vendin e gabuar për të bërë një hile. Ka një rast të ngjashëm, ku Rektori dërgoi çështjen e pronësisë së Kopshtit Botanik në Gjykatë Adminsitrative.”

Ky pohim i tij tregon se ai nuk ka njohuri ligjore dhe është i pabazuar, pasi Gjykata Administrative nuk ka kompetencë.

Presidenti Meta dërgoi disa ditë më parë, në Gjykatën Kushtetuese vendimin e qeverisë me argumentin se bie në kundërshtim me Kushtetutën, parimet kushtetues dhe konventat ndërkombëtare

Kushtetuta përcakton se Gjykata Kushtetuese është i vetmi institucion, që vendos për kushtetueshmërinë e “akteve normative të organeve qendrore dhe vendore me Kushtetutën dhe me marrëveshjet ndërkombëtare”.

Ndërkohë Ligji për Gjykatën Administrative përcakton se :

“Gjykata Administrative nuk shqyrton mosmarrëveshjet:

të cilat lidhen me aktet nënligjore normative që, sipas Kushtetutës, janë në kompetencën e Gjykatës Kushtetuese”.