Rama i mban mbyllur me aktin e pandemisë/ Ministria e Drejtësisë kërkon hapjen e gjykatave

Tuesday, 26 May 2020 16:42

Ministria e Drejtësisë i ka propozuar Ministrisë së Shëndetësisë të ndryshojë aktin normativ për pandeminë, në mënyrë që të hapen gjykatat.

Në një draft dorëzuar dikasterit që po menaxhon situatën gjatë kohës së masave shtrënguese, Ministria e Drejtësisë nënvizon nevojën e nisjes së proceseve gjyqësore dhe detajon masat që duhen marrë.

Këshilli i Lartë Gjyqësor vendosi t’i mbyllë gjykatat duke mos u dhënë mundësinë dhjetëra qytetarëve e bizneseve që të marrin drejtësi për çështje nga më të ndryshmet, penale e civile.

Por si Ministria e Drejtësisë, hapjen e gjykatave e kërkojnë edhe avokatët, të cilët thonë se mbyllja e tyre është në dëm të publikut.

“Numri i çështjeve vetëm në Gjykatën Civile ka shkuar në 9 mijë. Kjo nuk është në interes të publikut. Nëse flasim në gjuhën e juristëve një drejtësi e vonuar është drejtësi e munguar. Duhet që qeveria të marrë masa për të ndryshuar aktin normativ dhe të rifillojë aktiviteti normal në gjykata”.

Këshilli i Lartë Gjyqësor, në një përgjigje për Tv Klan, thotë se nuk është njohur ende me draftin e propozuar nga Ministria dhe se do të mbajë në fuqi vendimin për të mos i zhvilluar proceset gjyqësore.

Referuar aktit normativ, kjo situatë do të vazhdojë të paktën deri në datën 23 Qershor kur mbaron afati i gjendjes se emergjencës. 

Për avokatët, moszhvillimi i proceseve gjyqësore është absurd, në një kohë kur qeveria ka hapur bare e restorante dhe ka mbajtur hapur fasoneri e call-center gjatë gjithë kohës së pandemisë.

Login to post comments

Lajmet e fundit

‘Ajo që ndodhi të enjten, puç parlamentar’, Vokshi: Vutë grupin parlamentar mbi Gjykatën Kushtetuese

Politikë

‘Ajo që ndodhi të enjten, puç parlamentar’, Vokshi: Vutë grupin parlamentar mbi Gjykatën Kushtetuese

  Deputetja e Partisë Demokratike Albana Vokshi, ka deklaruar se me vendimin e marrë të enjten në Kuvend për mos dërgimin në Gjykatën Kushtetuese të mandatit të Olta Xhaçkës, ka rënë...

Kalaja kallëzon në prokurori Ballën: SPAK t'i sekuestrojë telefonin dhe...

Politikë

Kalaja kallëzon në prokurori Ballën: SPAK t'i sekuestrojë telefonin dhe...

    Anëtarja e Komisionit të Apelimit në PD, Adriana Kalaja ka bërë një kallëzim penal për Taulant Ballën dhe individë të tjerë, të cilët sipas Kalasë kanë kryer shkelje nga më të rëndat...

Aksident në Santorini, humb jetën 29-vjeçari shqiptar

Kronikë

Aksident në Santorini, humb jetën 29-vjeçari shqiptar

  Një aksident rrugor ka ndodhur në ishullin grek të Santorinit, ku viktima është një 29-vjeçar me origjinë shqiptare. Sipas informacioneve të para, ngjarja ka ndodhur kur motori që drejtohej nga 29-vjeçari...