“Kam marrë disa informacione rreth dështimit të natës së mbrëmshme për të arritur një marrëveshje. I inkurajoj të gjitha palët pjesëmarrëse, brenda dhe jashtë parlamentit, që të bëjnë sërish një përpjekje dhe të arrijnë një marrëveshje.  Kjo është një reformë e rëndësishme që duhet të realizohet. Pa të është shumë e vështirë për të ecur përpara dhe do të ishte për të ardhur keq që të çohej dëm ky momentum që ne kemi arritur mes Shqipërisë dhe vendeve anëtare. Kështu që i kërkoj të gjithëve të punojnë për një marrëveshje. Ne kemi nevojë për atë marrëveshje dhe shpresoj që kjo marrëveshje të realizohet në orët apo ditët në vijim. Kjo është thelbësore”.