Nismëtari i lëvizjes Foltorja në Partinë Demokratike, Sali Berisha, po merr mbështetje dita ditës nga anëtarësia e PD-së në të gjithë vendin si edhe nga dashamirës, që tashmë po shkojnë vetë për ta takuar në zyrën e tij, pa pritur turin e radhës në qytetin e tyre.
Një takim i tillë ka ndodhur sot, kur të rinj demokratë nga Kavaja, bastioni i fuqishëm i demokracisë që nga rënia e diktaturës, kanë shkuar për ta takuar ish-Kryeministrin Sali Berisha në zyrën e tij.
“Takim i përzemërt me Kryetarin Arnold Karriqi, kryesinë dhe aktivistë të Forumit Rinor të Partisë Demokratike të degës Kavajë! – shkroi Berisha në Fb. - Mbështetje e fuqishme për misionin e rivendosjes së pluralizmit në vend, ligjimitetit dhe sovranitetit të PD! Rroftë Kavaja dhe rinia demokratike e saj!" - nënvizoi ish-Kryeministri