Deputeti i Partisë Demokratike, Oerd Bylykbashi, i ftuar në emisionin ‘Drejt’ ka komentuar mbledhjen e Kuvendit Kombëtarë, e cila tashmë është fiksuar për tu mbajtur në Titanë më 11 Dhjetor.

Bylykbashi i cili së fundmi është pozicionuar hapur kundër lidershipit të Bashës, deklaroi se kryetari i partisë e ka për detyrë që të marrë pjesë sa here që Kuvendi mblidhet.

“Basha e ka për detyrë të jetë në Kuvend. Ai nuk është delegat i thjesht, është kryetar i partisë. Por nëse nuk do jetë, është njësoj si të mos jetë një anëtar i thjeshtë”, tha ai.

Por i pyetur se çfarë ndodh nëse Basha i qëndron deri në fund strategjisë për ta injoruar dhe mosnjohur procesin final të “Foltores”, ai tha se Kuvendi i merr vendimet edhe pa prezencën e Bashës, sipas statututit të saj.

“Kuvendi i merr vendimet pa prezencën e Kryetarit se nuk është e nevojshme. Kryetari i partisë e pëlqen apo nuk e pëlqen zhvillimin e Kuvendit, Kuvendi do të mblidhet pasi thirrje është bërë për ndryshimin e statutit”, deklaroi deputeti i PD-së Bylykbashi